თითოეულს მისთვის სასარგებლო ნიჭი ღმერთისგან მისი რწმენისამებრ ეძლევა.
ბასილი დიდი
თუკი ყოველი ამაო სიტყვისათვის მოგვიწევს პასუხისგება, მაშინ მით უფრო – უკეთური საქმეებისათვის, თუ, რა თქმა უნდა, ჭეშმარიტი სინანულით ლმობიერს არ ვჰყოფთ უცდომელ მსაჯულს.
ღირსი ეფრემ ასური
ოდესცა შენ ძმაო, გულში გაგიჩნდება ბოროტი განზრახვა, იცოდე: რომ ის აზრი შეგაგონა შენმა სულიერმა მტერმა. ამ შემთხვევაში მაშინვე პირ-ჯვარი უნდა გადაიწერო და თქვა: მიხსენ მე, ღმერთო, ბოროტისაგან.
წმინდა გაბრიელ ეპისკოპოსი (ქიქოძე)
სიყვარული ყველა სათნოებათა სვეტია, მასში არ არის სიკვდილის დარდი; იგი ასწავლის სამართლიანობასა და ახოვნებას, მოთმინებასა და მშვიდობას, იგი – ღვთის სახლია.
ღირსი ეფრემ ასური
